المسيحيين بيصوموا ازاي ؟!

صورة الصوم المسيحي للاسف بقت صورة مشوهه جدا ❌

في عيون اخواتنا المسلمين وعيون بعض المسيحيين نفسهم وخصوصا النشئ اللي لسة طالع 🙂🚫

الصورة المتاخدة عن صوم الأقباط إننا بنصحى الصبح ناكل ونشرب ونهيص عادي جدا .. الكلام ده مش صح يا جماعة ❌

1️⃣- صوم الاقباط الأرثوذكس صوم انقطاعي 

يمتنع فيه المسيحي عن المأكل والمشرب 

والتدخين -بالنسبة للمدخنين- 

وممارسة العلاقات الحميمة كذلك في حالة المتزوجين وده بيتم بالاتفاق بين الطرفين لئلا يسلب احد منهم حق الاخر.

2️⃣- الكلام ده لمدة تزيد عن 12 ساعة تبدأ الساعة 12 بليل وتفضل لحد الساعة 3- 4 عصرا حيث موعد خروج القداسات الالهية النهارية .. او حسب المُدة المتفق عليها مع اب الاعتراف وهو راعي الكنيسة المكلف بمتابعة الحالة الروحية للفرد، وحسب الحالة الصحية أيضا يعني من 15-16 ساعة.

3️⃣- على مدار المدة دي مافيش بق مية تدخل بطن واحد من الاقباط .. وده مُعمم في كل الاصوام مش صوم اه وصوم لا  

4️⃣- وقت الافطار .. بيتناول المؤمن ماكولات نباتية بحته مابيدخلهاش اي عنصر حيواني .. وده له علاقة بغرائز الجسد.. وكمان مبياكلش حاجة ليها نفس الايحاء بتاع الماكولات الغير نباتية زي الجبن واللبن واللانشون والكفتة والبانية الصيامي وشغل انا صايم علشان اتغذى ده 

5️⃣- في يومين في الاسبوع مبنصومش فيهم انقطاعي .. هما السبت والاحد ودول علشان ليهم مدلول ديني رفيع المستوى في الكنيسة، فالاقباط يصحوا الصبح يفطروا عادي بماكولات نباتية لكن من الاتنين للجمعة محدش بياكل حاجة بعد 12 بليل

6️⃣- كون ان زميلك وجارك مابيعملوش كده دي ترجعلهم لكن في نسبة كبيرة من الاقباط بيعملوا كده .. بالذات الجيل القديم وكمان الكهنة والرهبان والأشخاص المتعمقين في فهم أصول الصوم .. لأن ده الصح ولا يصح الا الصحيح

7️⃣- الاقباط الارثوذكس بيكسروا الـ200 يوم صيام (اكثر من ثلثين السنة) كفاية الاربعاء والجمعة على مدار السنة والصوم الكبير 55 يوم ، والصغير 43 يوم ، وصوم يونان النبي 3 أيام وصوم العذراء اسبوعين، وصوم الرسل يتراوح من اسبوعين إلي شهر ونصف .. أي كسر للقاعدة اللي شرحتها فوق دي بيحصل بالتنسيق مع اب الاعتراف ..

لو فهمت الكلام ده كويس وعرفت ازاي بنصوم .. ساعدني نوصله لأكبر قدر من المصريين ..