Coptic Koogi Coptic Koogi
random

احدث الموضوعات

random
random
جاري التحميل ...

تعرف على معانى الزينة الموجودة في شجرة الميلاد | المعانى الروحية لشجرة الكريسماس


تعرف على معانى الزينة الموجودة في شجرة الميلاد


تعرف على معانى الزينة الموجودة في شجرة الميلاد

فى فيديو بالشرح أسفل الموضوع
في موضوعنا ده هنتعرف على معانى الزينة الموجودة في شجرة الميلاد.
والرموز اللى بستخدمها للزينة والاحتفال بعيد الميلاد كلها ليها معانٍ خاصة. 
لكن مع مرور الزمن، وبسبب علمانية عيد الميلاد في معظم الدول، فقدت الرموز دى معناها الحقيقي.  

علشان كده في الموضوع ده. هقدم شرح لبعض الرموز اللى بنستخدمها في زينة شجرة الميلاد بطريقة روحية، تشجعنا لتعليم ولادنا وكل الناس اللى بنحبهم وموجودين حوالينا المعاني الحقيقية للميلاد.

وتزيين شجرة الميلاد هي عادات وتقاليد متوارثة من الغرب المسيحى
لكن العادات دى هي علامات خارجية تعبر عن معان داخليه.
وما أكثر عاداتنا وطقوسنا ورموزنا!

اول حاجة بنزين بيها شجرة الميلاد هي  النجمة:
تعرف على معانى الزينة الموجودة في شجرة الميلاد | المعانى الروحية لشجرة الكريسماس

والنجمة هي الرمز السماوي للوعد. في ملء الزمن لما جه المخلص للعالم كانت نجمة بيت لحم هى علامة الوعد، لانها قادت المجوس لمكان ولادة المسيح
ونور النجمة هو الذي قاد المجوس إلى يسوع وربنا يسوع المسيح هو نور العالم اللى بيقودنا لملكوت الله. 

علشان كده بتتحط النجمة في البيوت وعلى رأس شجرة الميلاد أو بتتحط زينة على سطح البيوت كإشارة لولادة المسيح .
وفى تعليم شعبى متوارث بيقول انه في السماء في نجمة لكل شخص في العالم تمثل الامل للانسانية.

ثانى حاجة  اللون الاحمر: 

و اللون الاحمر هو اللون الاول لعيد الميلاد ودايماً بيستخدمه المؤمنين علشان يفكرهم بدم المسيح اللى اتسفك على عود الصليب لأجل خلاصنا. 
لأن السيد المسيح له المجد بذل حياته وسفك دمه علشان نحصل على الحياة الابدية.

ثالث حاجة اللون الاخضر: 

و اللون الاخضر هو اللون الثاني لعيد الميلاد
بيكون اللون الاخضر للاشجار دائمة الخضرة وبيفضل زى ما هو طول ايام السنة، 
والاخضر يرمز الى الشباب والامل واكثر الالوان موجود بغزارة في الطبيعة. 

وأوراق شجرة عيد الميلاد بتكون متجهة ناحية الأعلى وترمز للصلوات الصاعدة للسماء. ببساطة شديدة اللون الأخضر يرمز الى الحياة.

رابع حاجة الجرس: 
معانى الزينة الموجودة في شجرة الميلاد
و صوت الجرس بيعني الفرح والبهجة. وكأنه بيبشر بالعيد وبالفرح 
علشان كده بنستعمله في كنائسنا لأنه بيحمل في طياته حنينا يترك ارتياح في النفس. 
أما دوره فهو هام في الحياة المسيحية، فهو يحمل بشارة العيد ويبشر بالصباح وبالربيع. 

ولما بيرن الجرس يأنس به كل اللى بيسمعه لأنه يحمل إلى قلبه الحنين والارتياح. 
استعمل الجرس للعثور على الخروف الضال
لأنه يرمز الى القرع _ التنبيه "هأنذا واقف على الباب اقرع"
ولكل شخص فينا المسيح الهنا واقف على بابه يقرع _ باب قلبه_ علشان يجد طريقه الى الله الآب "الراعي الصالح" 

ويعني ذلك للتوبة والرجوع، بالإضافة انه مؤشر اننا كلنا اعزاء في عيون الله ومحبوبين عنده.

خامس حاجة النور والشموع: 

النور بيرمز لحضورالمسيح الهنا "النور الحقيقي وشمس البر وشمس الكون"، وقانون الإيمان بيعلمنا أن المسيح هو "نور من نور". 

أما الشموع على شجرة الميلاد فبتمثل تقدير الإنسان للنجمة، وفي كثير من البيوت بتولع الشموع لأنها تمثل وجود النور أو الحضور الإلهي في البيت، أما حالياً فبتستخدم احبال النور أو عقد النور لذكرى ميلاد المسيح.

سادس حاجة الربطة او البمباغ _فيونكة الهدايا : 

بتتحط على الهدايا علشان تذكرنا بروح الاخوة فزى ما بيتربط البمباغ هكذا يجب ان نكون جميعا مترابطين مع بعضنا البعض في وحدة واحدة.

سابع حاجة العكاز _ العصاية : 

بتمثل عصا الراعي الجزء المعقوف او الملتوي من العصاية كان يستخدم لجلب الخروف الضال. 

كأنها بتمثل عصا الراعى الصالح ليجذب أو يجلب بها كل نفس بعيدة.
كمان بتمثل العصاية الحرف الاول من اسم السيد المسيح باللغة الانجليزية لما نقلبها.

ثامن حاجة الطوق او الاكليل:

تعرف على معانى الزينة الموجودة في شجرة الميلاد | المعانى الروحية لشجرة الكريسماس

يرمز الى الطبيعة الخالدة للحب الإلهي الذي لا ينضب ولا يتوقف، وبيذكرنا الاكليل بحب الله الغير محدود لنا اللى هو السبب الحقيقي والصادق لميلاد المسيح.

تاسع حاجة بابا نويل او سانتا كلوز: 
معانى الزينة الموجودة في شجرة الميلاد

هو شخصية ترتبط بعيد الميلاد، بل الرمز الابرز لعيد الميلاد
وبابا نويل معروف دايما أنه رجل سعيد ، وتخين جداً، ومبتسم باستمرار، بيلبس بدلة لونها احمر ولها أطراف بيضاء، وبيغطي وجهه لحية ناصعة البياض.
وكمان مشهور في قصص الاطفال، فإن "سانتا كلوز" يعيش في القطب الشمالي مع زوجته السيدة "كلوز" وبعض الاقزام اللى بيصنعوا له هدايا الميلاد، اللى بتكون في الزلاجة السحرية اللى بتجرها الايائل _ الغزلان علشان يوزعها على الاولاد أثناء نزوله من مداخن البيوت أو من الشبابيك المفتوحة وفتحات الأبواب الصغيرة.

فمن هو ياترى بابا نويل؟

بابا نويل هو شخصية حقيقية تاريخية معروفة تنسب الى القديس نيقولاوس اللى اتولد من عائلة غنية جدا و كان دائما بيعمل من أجل مساعدة الأشخاص الفقراء وخاصة العائلات المحتاجة. 

ولأنه كان شابا سافر الى بلد اسمها مورا، المكان اللى بعد كده بقي فيه اسقفا. وكان بيقضي كل وقته في خدمة الفقراء، وكان يحب الأطفال جداً، وله قصة شهيرة جدا، انه كان في مدينة مورا عائلة فقيرة جداً عندهم ثلاث بنات، وفي ليلة من الليالي صعد هذا القديس الى سطح البيت ونزل أكياس كان فيها فلوس فنزلت في جوارب لونها احمر كانت البنات نشرتها علشان تنشف .

واثناء وجود القديس نيكولاوس شافه والد البنات ودار بينهم حديث طويل ...
وطلب القديس نيقولاوس منه أبو البنات أن الموضوع ده يفضل سر بينهم ...  والمفاجأة كانت بعد يومين، عندما أصبحت البلدة جميعها تعرف ماذا فعل هذا القديس ومن هنا ظهرت عادة وجود جوارب حمراء اللون لتتزين بها منازلنا تذكيرا بالحادثة التي من خلالها عرف هذا القديس. 

وأول رسم لبابا نويل كان سنة 1862م وهو عبارة عن شخص صغير يبدو قزما يلبس ملابس حمراء وقبعة صغيرة، وله ذقن طويلة بيضاء.

اخر حاجة هدايا الميلاد: 

اتعودت الناس انها تقدم فى عيد الميلاد هدايا متنوعة ترمز الى السيد المسيح اللى هو "هدية الله للإنسان". 

وترمز الى العطايا التي قدمها المجوس للطفل يسوع، وأولى الهدايا قدمت في العصر المسيحي.

وبطاقة الميلاد أنشأها كندول الإنجليزي سنة 1944 وبعد كده انتشرت في معظم بلاد العالم.




عن الكاتب

Coptic Koogi

التعليقات



جميع الحقوق محفوظة

Coptic Koogi